Terms of Service & Privacy Policy

1. Software Ka Upyog (Usage)

Yeh software sirf legitimate printing services ke liye banaya gaya hai. Iska istemal kisi bhi tarah ki illegal, unethical, ya prohibited documents print karne ke liye karna sakht mana hai.

2. Data Collection (Privacy Policy)

Hum aapki privacy ka pura samman karte hain. Hum aapke computer se koi bhi personal ya private data nahi lete. Hamara software sirf customer ki bheji gayi file ko aapke printer tak pahunchane ka kaam karta hai. Technical operations ke liye hum sirf yeh zaroori details collect karte hain:

• Shop ID: Aapki dukan ki pehchan ke liye.
• IP Address: Security aur unauthorized access ko track karne ke liye.
• Device Info: Print job status monitoring ke liye.

3. File Handling & Temporary Data

Print process ke dauran, documents temporarliy aapke system par download hote hain. Print hone ke baad, un files ko delete karna ya secure rakhna poori tarah se dukandaar (user) ki zimmedari hai. Yadi un temporary files ka koi bhi misuse (durupyog) hota hai, toh iske liye Bmotiz kisi bhi tarah se zimmedar (liable) nahi hoga.

4. User Accountability

Aapki Shop ID aur Password aapki personal property hai. Ise kisi bhi staff ya third-party ke saath share na karein. Aapke account se hone wali har activity ke liye aap khud jawabdeh hain.

5. Disclaimer & Liability

Yeh software "as-is" basis par provide kiya jata hai. Printing errors, hardware issues, ya service mein temporary downtime (technical maintenance) ke liye company zimmedar nahi hogi. Hum 100% service uptime ki guarantee nahi dete.